Udalekuak

bosque-esculea

Aurtengo udan 3 eta 6 urte bitarteko haurrek baso-udalekuan naturan jolasteko aukera izango dute, Ulia mendian. Haurrak aire zabalean eta jolas librean arituko dira baso-pedagogia ereduen irizpideak jarraituz.
Bihotz Inguru Baso-eskola Elkarteak, donostialdeko umeei aire zabalean hazteko aukera eskaini nahi die. Naturan hazi eta hezteak dakarren abantaila eta lorpenak ukaezinak dira umeen garapenean. Gure eskura ditugun ingurune naturalez gozatu nahi dugu eta bereziki, gure txikien hazkuntzarako gaitasuna aintzat hartuko duen hezkuntza eremu seguru bat sortu nahi dugu.
Bihotz Inguru baso-udalekua, baso-eskola proiektuaren lehenengo urratsa eta materializazioa da. Antolatzaileok haurrak naturan jolastera gonbidatu nahi ditugu, pedagogia adeitsu honen irizpideak jarraituz.